Articles

Mhaka Tujea Golleant Ghal

- Diogo M. Fernandes

Hanv Karminchem BENTIN
Kofi korachem angan-katin
Duddu naka hatin chodd
Unnech-unne panch rupai modd!

Hanv hatiar Ankvar Mariechem
Karmelit Padrinche Ordhichem
Tinnench tankam vatt dakhoili
Ani apli soglli sfurti dili!

Simon Stock-hachea uleak
Karmi Saibinnin dilo kan
Lagun Tichea disnneank
Karmelitanim zoddlo mann

Sonvsarant zaite nennar-zannar
Ghaltat mhaka golleant-angar,
Mhaka tannim vaprunk naslem zalear
Zoddche nasle duljens plenar!

Tumchem Karmichem Bentin khoim pavlam?
Golleant tem asa vo sorvkallak sanddlam?
Ani khoinche-khoim vostramni lhipoilam?
Vo khunttiek lamboun dhullant bhorlam?

Mhaka tumchea golleant ghatlear
Mornna vellar tumi zatleat salvar
Ankvar Mori dinvchina zaunk otmo pird’dear
Buddunk dinvchina mhaka tumi vengoilear!